<p>Bændaglíma Nesklúbbsins verður haldin laugardaginn 28. september. Bændaglíman sem er svo sannarlega mót á léttu nótunum og til gamans gert er jafnframt síðasta formlega mót sumarsins. Því eru allir félagsmenn hvattir til þess að mæta og kveðja þetta frábæra golftímabil með stæl.</p> <p>Bændur í ár verða eðalhjónin Oddný Rósa og Stefán Örn sem allir félagsmenn þekkja.</p> <p>Dagskrá:</p> <p>Mæting kl. 12.00</p> <p>Þá verða bændur búnir að skipta þátttakendum í tvö lið með aðstoð mótsstjórnar. Fjórir verða saman í holli og verður leikið fjögurra manna Texas-scramble höggleikur.</p> <p>12.30 - liðin tilkynnt og bændur munu bjóða upp á létta hressingu og hvetja sín lið til dáða.</p> <p>Gengið er út frá því að spila 18 holur nema veður muni gefa sérstakt tilefni til annars. </p> <p>Af gömlum sið Nesklúbbsins mun liðið sem tapar bregða sér í stutt þjónustuhlutverk í veislunni á eftir sem að hefst strax og leik er lokið og mun því þjóna sigurliðinu til borðs.</p> <p>Þátttökugjald aðeins kr. 5.000 pr. mann og er innifalið í verði bæði mótsgjald og matur</p> <p>Matseðill: Eitthvað alveg geggjað að hætti Hödda og co.</p> <p>Skráning fer nú fram á golf.is og lýkur fimmtudaginn 26. september.</p> <p>ATH. Skráningin mun ekki gefa rétta mynd af ráshópum þar sem að liðsstjórar munu velja í lið og er því eingöngu til að skrá kylfinga til leiks.</p> <p><strong>ALLIR og þá meinum við ALLIR félagsmenn sem geta verða að taka þátt í þessu skemmtilega móti.</strong></p>
