<p>Við biðjum keppendur um að vera mættir tímanlega, uppúr kl.12 væri gott að keppendur séu mættir. Takið með ykkur regngalla og umfram allt góða skapið <span class="_47e3 _5mfr" title="wink broskall"><img class="img" src="https://static.xx.fbcdn.net/images/emoji.php/v9/t57/1/16/1f609.png" alt="" width="16" height="16" /><span class="_7oe">;)</span></span></p> <p>Þeir sem eiga eftir að koma til okkar vinningum þá verðum við útá golfvelli frá kl.11.00 og hægt að renna með þá til okkar frá þeim tíma.</p> <p><strong>Allir keppendur verða ræstir út á sama tíma kl. 13.00</strong> og því þarf að takmarka fjölda keppenda. Vinsamlegast mætið tímanlega.</p> <p>Ef þú hefur áhuga á að taka þátt, þá endilega hafðu samband í síma 486-6454 og skráðu þig á biðlista. Haft verður samband ef pláss losnar.</p> <p> </p> <p>Svavar Geir Pálmarsson var greindur með illkynja æxli í brjóstholi í vor. Hann er með Hodgkins eitilfrumukrabbamein á stigi tvö og er byrjaður í lyfjameðferð sem tekur 8 mánuði en ber sig vel. Eins og hjá mörgu ungu fólki komu veikindi á borð við þessi honum í opna skjöldu.</p> <p>Hann hafði varið síðasta ári með kærustu sinni í Ástralíu og vegna þess fellur hann svolítið á milli í kerfinu, með engar tekjur, ekkert verkalýðsfélag, er atvinnulaus en er þó blessunarlega sjúkratryggður hér heima.</p> <p>Hann og Þóra kærastan hans eiga von á sínu fyrsta barni í september og því í mörg horn að líta hjá Svavari.</p> <p>Svavar Geir hefur alla tíð verið virkur þátttakandi í lífinu, glaðlyndur gleðigjafi, duglegur til vinnu, liðtækur íþróttamaður í fjölmörgum greinum (m.a. í GF) og virkur þátttakandi í sjálfboðastorfum.</p> <p>Til styðja við bakið á honum hefur verið ákveðið að blása til golfmóts á Selsvelli hvar Svavar starfaði sem sumarstarfsmaður meðfram skólagöngu hér á árum áður.</p> <p>Mótið verður haldið sunnudaginn 25.ágúst með Texas scramble fyrirkomulagi. Litlar 3500 krónur kostar að taka þátt og hægt er að skrá sig nú þegar inni á golf.is. Tekjur af mótsgjaldi renna óskiptar til Svavars Geirs og fjölskyldu hans.</p> <p>Stefnt er að því að ræsa út á öllum teigum kl. 13.00 og má búast við góðum teiggjöfum, glæsilegum vinningum og uppboði að móti loknu.</p> <p>Vinsamlegast athugið að val á rástímum er eingöngu til þess að kylfingar geti raðað sér saman í holl. Ræst verður af öllum teigum kl. 13.00.</p> <p>Endilega skráið ykkur sem fyrst, það er alveg klárt að gleðin mun svífa yfir vötnum í þessu móti og jafnvel verða einhverjar skemmtilegar útfærslur í gangi í þessu móti.</p> <p> </p>
