<p>Eitt skemmtilegasta mót sumarsins verður haldið laugardaginn 1. júní. Um er að ræða hjóna og parakeppni GKG.</p> <p>Leikfyrirkomulagið er betri bolti m/forgjöf þar sem betra skor liðsins telur á holu, þetta er þó punktakeppni og þannig telja punktar þess sem fékk hærri punkta á holu. Um er að ræða <span style="text-decoration: underline;"><em>innanfélagsmót</em> </span>en makar úr öðrum klúbbum eru þó velkomnir.</p> <p>Ath. að við skráningu í mótið skal þess gætt að ekki er hægt að nota <a href="http://golf.is">golf.is</a> til þess að halda utan um skráningu á liðunum. Því eru pör beðin um að skrá sig "lóðrétt" saman svo að liðaskipanin haldist út mótið. Þannig eru fjórir saman í holli, fyrstu tvö nöfnin gera þá eitt lið og síðustu tvö eru þá sér lið. Ef einhver vandamál verða ekki hika við að hringja í verslun GKG eða senda tölvupóst á <a href="mailto:yngvi@gkg.is">yngvi@gkg.is</a>.</p> <p>Þar sem mótið er hjóna- og parakeppni, þá þarf að skilgreina betur hvað er átt við hvenær fólk er par.</p> <p>Par þarf ekki endilega að vera kærustupar. Aðalatriðið er að parið séu góðir vinir, hafi skemmtun af því að spila golf saman og njóti þess að eiga fallega kvöldstund saman í þeirri stemningu sem einkennir hjóna- og parakeppni. Mótsstjórn áskilur sér rétt til, og mun dæma einstaklinga úr leik ef auðsjáanlega er verið að brjóta gegn framangreindu ákvæði.</p> <p>Ekkert lið má hefja keppni nema með meðspilara.</p> <p>Vinningshafar verða leystir út með flottum vörum frá UnderArmor og FootJoy. Nánari útlistun á verðlaunum kemur þegar nær dregur en verðlaunað verður fyrir ýmislegt.</p> <p>Þau pör sem verða í 1., 2. og 3ja sæti fara ekki tómhent heim.</p> <p>Nándarverðlaun á öllum par 3 holum og annað höggið á 18. holu.</p> <p>Það par sem giskar á réttan fjölda týndra golfbolta verður leyst út með glaðningi.</p> <p>Og ... rússínan í pylsuendanum, "samstæðasta best klædda parið" (huglægt mat viðburðarnefndar) fær glæsileg verðlaun.</p> <p>Hámarks forgjöf karla og kvenna er 36.</p> <p>Verð á kylfing kr. 6.800,- innifalið í verðinu er: </p> <ul> <li>Pörin fá að heyra uppáhaldslagið sitt á hringnum, sendið nafnið á laginu ykkar á <a href="mailto:yngvi@gkg.is">yngvi@gkg.is</a></li> <li>Hefðbundin myndataka í ramma á öll pör</li> <li>Veitingavagn Mulligans verður á ferðinni á meðan á mótinu stendur</li> <li>Ljúfir tónar frá Magga ræsi taka á móti okkur við upphaf kvöldverðar</li> <li>Eðalkvöldmatur frá Mulligan teyminu, forréttur og aðalréttur.</li> <li>Tískusýningahópur Jönu Geirs og Kaupfélags GKG brillerar í fötum frá UnderArmor og FootJoy</li> <li>Skemmtilegasti GKG ingurinn hann Einar Guðmunds lætur gamangamminn geysa</li> <li>Söngfuglar GKG leiða fjöldasöng undir stjórn meistara Elísabetar Harðar</li> <li>Opna sviðið verður galopið</li> <li>Eftir borðhald munum við skemmta okkur fram í rauða nóttina þar sem Suðurnesja-DJarnir Stache&Beard sjá um fjörið íboði Mulligan <a href="https://www.facebook.com/stacheogbeard/?epa=SEARCH_BOX">https://www.facebook.com/stacheogbeard/?epa=SEARCH_BOX</a></li> </ul> <p> </p> <p>Mótsstjórn og viðburðarnefnd</p> <p> </p>
