<p>ATHUGIÐ: LOKAMÓTI DALBÚA 2019 HEFUR VERIÐ FRESTAÐ UM VIKU.</p> <p>Lokamót Dalbúa á þessu afmæliári verður ÞVÍ haldið laugardaginn 21. september.</p> <p>Að þessu sinni verður um að ræða 9 holu punktamót og eiga því allir félagsmenn góða möguleika á verðlaunasætum!</p> <p>Til að gera þetta mót sérstakt hefur verið ákveðið að leikið verði frá nýjum teigum, þ.e. frá nokkrum stöðum á brautum vallarins þar sem hugmyndir eru um að setja upp nýja teiga, þannig að hægt væri að leika völlinn sem 18. holu völl án þess að leika tvisvar á sömu teigum.</p> <p>Með þessari nýjung er hægt að kynnast þessum hugmyndum betur, og átta sig á hvernig hver braut mun líta út frá „nýju sjónarhorni.“</p> <p>Vegna þessara breytinga verður árangur á mótinu að sjálfsögðu ekki reiknaður til breytinga á forgjöf þátttakenda.</p> <p>Við endum síðan stuttan keppnisdag á léttri grillveislu í skálanum okkar þar sem tækifæri gefst til þess að spjalla og skemmta sér saman.</p> <p>Vegleg verðlaun eru fyrir 1., 2. og 3.sæti. Einnig verða veitt sérstök verðlaun fyrir lengsta teighögg á 3. braut og nándarverðlaun á 5. og 8. braut.</p> <p>Ræst verður út á öllum teigum klukkan 11:00</p> <p>Verð:6.000 kr. (golf + grill)</p> <p>Félagsmenn eru hvattir til að fjölmenna á þetta síðasta mót sumarsins, og mega gjarna taka með sér gesti til að gera sér glaðan dag saman undir lok golfsumarsins!</p>
