<p>Opna golfmót knattspyrnudeildar Fjölnis verður haldið laugardaginn 24. ágúst n.k. og hefst kl. 10:00. Mótið fer fram á golfvellinum í Þorlákshöfn annað árið í röð.<br /><br />Mæting í skála er í síðasta lagi kl. 9:15. Ræst verður af af öllum teigum kl. 10:00.<br /><br />Leikið verður með Texas scramble fyrirkomulagi og verðlaun verða sem hér segir:<br />Texas scramble - verðlaun fyrir 3 efstu liðin.<br />Nándarverðlaun - á öllum par 3 holum.<br />Teiggjöf - fyrir alla.<br />Dregið úr skorkortum.<br /><br />Hámarksforgjöf í karlaflokki er 24 og hámarksforgjöf í kvennaflokki er 28. Dæmi: Ef aðili er ekki með forgjöf þá er skráð 24 í karlaflokki en 28 í kvennaflokki.<br />Verðlaunaafhending fer fram að móti loknu,í golfskálanum.<br /><br />Þátttökugjald:<br />5.490.-<br />6.490.- með grilluðum hamborgara og drykk.<br /><br />Venjan er að skrá heillt holl í einu en einnig er í boði að skrá stök sæti og þá er viðkomandi paraður með öðrum spilara.<br /><br />Skráning er hafin og er tekið á móti skráningum á netfangið leifur33@gmail.com<br /><br />Rita skal ,,Fjölnir Open 2019” í ,,efni/subject" og í póstinum þarf að koma fram nafn þátttakanda ásamt símanúmeri og netfangi. Ennfremur skal taka fram ef fólk óskar eftir skráningum saman í holl.<br />Mótið er öllum opið og við lofum góðri skemmtun og blíðskaparveðri.<br /><br />Takið daginn frá!</p>
