<p><strong>FÓRST ÞÚ HOLU Í HÖGGI Á ÁRINU 2019</strong></p> <p>NÝTT MÓT HJÁ NESKLÚBBNUM Í SAMSTARFI VIÐ EINHERJAKLÚBBINN, GOLFSAMBAND ÍSLANDS, ÖSKJU OG VÖRÐ.</p> <p>Þeir kylfingar sem fóru holu í höggi á árinu 2019 og hafa skráð afrekið hjá Einherjaklúbbnum eiga möguleika á því að vinna flugferð fyrir tvo til Evrópu eða jafnvel Mercedes-Bens bifreið frá ÖSKJU.</p> <p>Þann 7. september 2019 geta þeir sem hafa skráð holu í höggi hjá Einherjaklúbbnum á tímabilinu 1. janúar 2019 - 31. ágúst 2019 mætt á Nesvöllinn. Þar munu allir allir fá eitt högg á braut 2 og sá sem er næstu holu vinnur flugferð fyrir tvo til Evrópu með Icelandair.</p> <p>Fyrir holu í höggi í þessari einu tilraun fær viðkomandi Mercedes Benz bifreið til eignar*</p> <p>Skráning hefst hér á golf.is sunnudaginn 1. september kl. 08.00 og stendur til föstudagsins 6. september kl. 15.00.</p> <p>Dagskráin er eftirfarandi:</p> <p>Kl. 09.00 - 09.30: Mæting þátttakenda og skal tilkynna mætingu á skrifstofu klúbbsins, draga númer um hvar þeir verða í röðinni og fá afhenta teiggjöf frá tryggingafélaginu Verði.</p> <p>ATH: Frítt verður fyrir þátttakendur mótsins á æfingasvæði Nesklúbbsins á milli kl. 09.00 og 09.30</p> <p>Kl. 09.40: Keppendur boðnir velkomnir og mótsreglur útskýrðar</p> <p>Kl. 09.50: Keppendur ganga saman út á 2. teig</p> <p>Kl. 10.00: Fyrsti keppandi slær </p> <p>Að móti loknu verður öllum boðið upp á hressingu í golfskálanum og verðlaun afhent.</p> <p>Leikreglur verða útskýrðar nákvæmlega á staðnum en gott er fyrir þátttakendur að vita að:</p> <ul> <li>Allir þátttakendur fá eitt högg óháð því hversu oft þeir hafa farið holu í höggi á árinu.</li> <li>Verði tveir eða fleiri nákvæmlega jafn langt frá þegar að allir hafa lokið keppni þeir sem næst voru slá aftur til að úrskurða um sigurvegara.</li> <li>Fari tveir eða fleiri holu í höggi munu þeir slá aftur til að úrskurða um sigurvegara og þ.m.t. hver fær Mercedes-Benz bifreið frá Öskju.</li> <li><strong>Nauðsynlegt er að hafa skráð afrekið hjá Einherjaklúbbnum til þess að hafa þátttökurétt í mótinu.</strong></li> <li>Það er frítt í mótið, þ.e. þátttökugjald er kr. 0</li> </ul> <p>Hlökkum til að sjá ykkur á Nesvellinum þann 7. september</p>
