Mótaraðir
STIGAMÓTARÖÐIN - "Mótaröð þeirra bestu"
Er mótaröð fyrir bestu kylfinga landsins og til að fá
þátttökurétt þarf að uppfylla ákveðin forgjafar takmörk en einnig
getur staða á stigalista ráðið um hvort leikmenn fái boð til
þátttöku á einstökum mótum. Í lok hvers tímabils hljóta efstu
kylfingar, í hvorum flokki fyrir sig, titilinn stigameistarar GSÍ.
Mótaröðin er samstarfsverkefni Golfsambands Íslands, golfklúbba
landsins og traustra samstarfsaðila en mótaröðin hefur vaxið hratt
á undanförnum árum, bæði í umgjörð og styrk keppenda.
Íslandsmótið í golfi hefur verið hátindur tímabilsins en þar er
leikið um Íslandsmeistaratitilinn í höggleik sem er án efa
eftirsóttasti titill sem völ er á í íslensku golfi.
Til mikils er að vinna en verðlaun á mótaröðinni eru glæsileg og
umgjörð mótanna er með því besta sem gerist ásamt því að
afreksstjóri GSÍ fylgist vel með árangri leikmanna og styðst við
það í vali sínu á leikmönnum sem sendir eru í verkefni erlendis á
vegum GSÍ.
Golfsamband Íslands vill koma fram þökkum til allra þeirra sem koma að mótahaldi GSÍ. Mótaröð sem þessi er ekki möguleg án góðrar samvinnu golfklúbba, dómara, samstarfsaðila og GSÍ.
UNGLINGAMÓTARÖÐIN - “Þar sem
stjörnur verða til”
Mótaröðin er fyrir framtíðar kylfinga 21 ára og yngri sem komnir
eru með reynslu af keppnisgolfi í sínum heimaklúbbi á
Áskorendamótaröð og tilbúnir að taka næstu skref. Mótaröðin
inniheldur alls 5 mót á hverju tímabili og haldinn er sérstakur
stigalisti yfir stöðu leikmanna á mótaröðinni sem er uppfærður
eftir hvert mót. Í lok tímabils er efstu leikmönnum hvers
aldursflokks veitt verðlaun fyrir stigameistara titil GSÍ.
Mótaröðin er samstarfsverkefni Golfsambands Íslands og þeirra
golfklúbba sem halda mótin, en mótaröðin hefur vaxið hratt á
undanförnum árum bæði í umgjörð og styrk keppenda. Elstu
aldursflokkarnir hefja því keppni einum degi fyrr en aðrir
keppendur. Alls eru keppnisflokkarnir fjórir hjá báðum kynjum á
mótaröðinni, 19-21 ára, 17-18 ára, 15-16 ára og 14 ára og
yngri.
ÁSKORENDAMÓTARÖÐ - “Það er gaman í golfi”
Leikfyrirkomulag mótaraðarinnar er eftir alþjóðlegri fyrirmynd
unglinga mótaraðar fyrir ungra kylfinga. Þessi mótaröð er hugsuð
sem fyrstu skref og stuðningur við keppnisþátttöku væntanlegra
framtíðarkylfinga. Hér á að vera gaman á vellinum og aðaláherslan
lögð á að læra leikinn og mismunandi leikform hans. Þjálfarar og
foreldrar eru hvattir til þess að taka virkan þátt og gera þessi
mót sem skemmtilegust fyrir þátttakendur með leiðbeinandi og
jákvæðu hugarfari í kringum umgjörð móta.
Helstu atriði sem lagt verður upp með:
Ræst er út samtímis af öllum teigum á tveimur tímasetningum
fyrir og eftir hádegi. Ef fjöldi þátttakenda fer yfir 54 verður
ræst út með hefðbundnum hætti.
Kylfuberar eru leyfðir. Sjá almennar reglur um kylfubera.
Höggleiks afbrigði: eftir 9 högg er skylda að taka upp og skrifa
10 högg.
Í yngsta flokknum, ef bolti týnist er lausnin eins og um
hliðarvatnstorfæru væri að ræða. Eitt högg í víti þar sem boltinn
fór inn í runna eða þ.h. og leikið áfram.
**Mótin eru ekki stigamót og gilda leiknir hringir ekki til
forgjafar.**
Mótaskrá, stigalista og reglugerðir einstakra móta er að finna á
golf.is
Með kveðju
mótanefnd GSÍ